शब्दसँग खेल्न र भावनालाई मुक्तकमार्फत व्यक्त गर्न मन पराउँछु। नेपाली साहित्य र मुक्तकप्रतिको प्रेमसँगै ‘मुक्तक’ प्लेटफर्ममार्फत स्रष्टा र पाठकलाई जोड्ने सानो प्रयासमा छु। ❤️
“शब्द साना होलान्, तर भावनाको गहिराइ ठूलो हुन्छ।”
लेखकद्वारा प्रकाशित सिर्जनाहरूको संग्रह
उपहार साट्दै हिँड्नेको दिन कसरी चलेको होला ? अर्कालाई ढाँट्दै हिँड्नेको दिन कसरी चलेको होला ?? दिनरात पसिना बगाउँदा पनि हातमुख जोर्न मुस्किल छ यहाँ कुरा काट्दै हिँड्नेको जिन्दगी कसरी चलेको होला?
सुखै सुखमा रमाएर के फुर्ती लाउछाैँ दुईचार पैसा कमाएर के फुर्ती लाउछाैँ । सक्छौ भने आफ्नै खुट्टामा उभिएर देखाऊ अर्कैकाे हात समाएर के फुर्ती लाउछाैँ ।।
नआत्तिनुहाेस् आउनेछ मत बुझिहाल्नु हुन्छ के कुरामा पर्या हाे खत बुझिहाल्नु हुन्छ । अहिलेलाई ठिकै छ, जे हुन्छ त्यहीँ मान्नुहाेस् धैर्य गर्नुहाेस् सही, गलत बुझिहाल्नु हुन्छ ।।
कस्तो हाेला छेक्दा छेक्दै झ्पाप्प निन्द्रा लाग्छ दुई चार अक्षर लेख्दै झ्पाप्प निन्द्रा लाग्छ । साथीसँग गफगाफ गर्दा दिन वितेकै पत्तो हुन्न कक्षाकाेठामा सर देख्दै झ्पाप्प निन्द्रा लाग्छ ।।
कि त वार हुन्छ, कि त पार हुन्छ यति नबुझे त जिन्दगी नै वेकार हुन्छ । खाेई, पुग्छ कि पुग्दैन ऊ आफ्नो गन्तव्यमा जसलाई सधै अगाडि पुग्न हतार हुन्छ ।।
शहर हुँदै गाउँटाेल कहिले पुर्याउछाैँ वर्षाै भयाे विकासको खाेल कहिले पुर्याउछाैँ । तिम्रो पाटीकाे पर्चा भए रातारात पुग्थ्यो हाेला सरकार! कर्णालीमा सिटामाेल कहिले पुर्याउछाैँ ।।
हल्का काली हल्ला गाेरी माया गर्छु भन्छे अलि नक्कली छे माेरी माया गर्छु भन्छे । देख्दादेख्दै प्रेम भयाे पछि लाग्न छाेड्दैन रे खाेइ कसकी हाे याे छाेरी माया गर्छु भन्छे ।।
नबुझेरै रङ्ग प्रेम गरिएछ बिना कुनै दङ्ग प्रेम गरिएछ । जे गर म तेराे हुदैन पाे भन्छे कस्तो ओैकात नमिल्ने सँग प्रेम गरिएछ ।।